Gull & Silfur, gullsmíðavinnustofa og verslun, er fjörtíu ára um þessar mundir, stofnsett í byrjun apríl árið 1971.Alla tíð hefur félagið verið í eigu sömu fjölskyldu, en núverandi eigendur eru hjónin Sigurður G. Steinþórsson gullsmíðameistari og Kristjana Ólafsdóttir. Við hlið þeirra starfar dóttir þeirra og yngsti gullsmíðameistarinn í fjölskyldunni; Sólborg S. Sigurðardóttir. Auk þeirra má nefna gullsmiðina Einar Þórhallsson og Tómas Malmberg sem báðir setja sinn svip á handverkið á verkstæðinu. Valdís Óskarsdóttir verslunarmær hefur staðið vaktina í búðinni til áratuga. Afmælisveislan stendur allt árið 2011. Auk þess að gefa aðdáendum okkar á Facebook, demanta, ætlum við að taka upp á einhverju skemmtilegu til að auðga tímamótin og gefa þeim gildi.

Við látum drauma rætast...

Okkur finnst mest um vert að geta smíðað eftir hugmyndum viðskiptavinanna og látið drauma rætast. Það er okkar sérgrein.Ein virtasta gullsmíðavinnustofa landsins, sem þekkt er af einstöku handbragði og listsköpun sem skilar sér í hvers konar smíði úr gulli eða öðrum eðalmálum. Við handsmíðum nánast hvað sem er en handverk okkar hefur hlotið mikið lof um víða veröld, enda vandfundið verkstæði með slíkan metnað. Listræni andinn svífur milli borða á vinnustofunni, og skiptir þá ekki máli hvort unnið er að viðgerðum eða flóknu og fínlegu handverki.Við höfum smíðað fjöldann af verðlaunagripum og gripum fyrir sérstök tilefni. Þetta eru allt frá litlum nælum í stóra gripi á stöpli eða fæti. Eins hefur gullsmiðum okkar verið fengið það hlutverk að sérsmíða skartgripi fyrir tískuviðburði í gegnum tíðina. Meðal sérgreina er handsmíði trúlofunarhringa, sem hver og einn fær sérstaka meðhöndlun á vinnustofunni. Allt gert í höndunum svo hvert par hafi sérstöðu og beri okkur fagurt vitni til framtíðar.